Son Xəbər: Azərbaycan və Tacikistan XİN-ləri arasında növbəti konsulluq məsləhətləşmələri keçirilib, Çexiya Baş nazirinin Azərbaycana səfərinin tarixi məlum olub, Aprelin ilk ongünlüyündə hava şəraiti qeyri-sabit olacaq, Fərid Əhmədov "Yüksəliş" müsabiqəsinin qalibləri ilə görüşüb, ETX: Vətəndaşlara qarşı genişmiqyaslı fişinq kampaniyası aşkarlanıb, İlham Əliyev: TDT-yə üzv ölkələr arasında heç bir problem və anlaşılmazlıq yoxdur, İlham Əliyev: Zəngəzur dəhlizində avtomobil yolunun 90 %-i, dəmir yolunun 70 %-i tamamlanıb, "Qazprom": "Türk axını" qaz kəmərinin obyektinə hücum cəhdi olub, Ceyhun Bayramovla Hindistan səfiri iki ölkə arasında diplomatik məsləhətləşmələrin vacibliyini qeyd ediblər, BƏƏ-də İranın zərbələri nəticəsində yaralananların sayı 190-a çatıb,

Azərbaycan və Tacikistan XİN-ləri arasında növbəti konsulluq məsləhətləşmələri keçirilib

Tarix: Bugün, 18:19

Bakı şəhərində Azərbaycan və Tacikistan Xarici İşlər Nazirlikləri arasında növbəti konsulluq məsləhətləşmələri keçirilib.

Bu barədə Azərbaycan Xarici İşlər Nazirliyi məlumat yayıb.

Məsləhətləşmələrdə Azərbaycan nümayəndə heyətinə Xarici İşlər Nazirliyinin Konsulluq idarəsinin rəisi Emil Səfərov, Tacikistan nümayəndə heyətinə isə Baş konsulluq idarəsinin rəhbəri Baxodur Safarzoda rəhbərlik edib.

Görüşdə Tacikistanın Azərbaycandakı səfiri Ilxom Abduraxmon, həmçinin Azərbaycanın Ədliyyə Nazirliyinin, Elm və Təhsil Nazirliyinin, Əmək və Əhalinin Sosial Müdafiəsi Nazirliyi tabeliyində Dayanıqlı və Operativ Sosial Təminat (DOST) Agentliyinin rəsmiləri iştirak ediblər.

Konsulluq məsləhətləşmələri zamanı iki ölkə arasında konsulluq sahəsində əməkdaşlığın cari vəziyyəti və inkişaf perspektivləri barədə fikir mübadiləsi aparılıb.

İki ölkə arasında ədliyyə, təhsil, əmək, sosial müdafiə və digər vacib sahələr üzrə əməkdaşlıq məsələləri nəzərdən keçirilib.

Danışıqların sonunda iki ölkənin nümayəndə heyətlərinin rəhbərləri tərəfindən görüşün protokolu imzalanıb.

Konsulluq məsləhətləşmələri çərçivəsində Azərbaycan xarici işlər nazirinin müavini Fariz Rzayev Tacikistan Respublikasının nümayəndə heyətini qəbul edib.